Jeebeetjes.nl

Der is weer n nije ‘Toal en Taiken’ oetkommen! Al de 27ste joargang, nummer 2, meert/april 2009! Sjongejonge, dat het dij jonge Jan Groenbroek in aal dij joaren doch mor mooi even oetbedocht en oetbrocht! En ze worden aal schierder, dij nummers van ‘Toal en Taiken’! Op omslag n prachtege kleurenploat van ‘Jozephina voor ingang van Noorderhaven’  van kunstenoares Anke Slooff! t Is mor n oetsnede, mor ze binnen der minder!
En wat der aalmoal instaait, in dit nummer: Siemon Reker dij zok in hannen vrift, Kipkapkogels, spekkendikken mit stokjes worst dij je t laifst zo van t ploatje ofplokken willen… Adrillen, Onstwedder Gaarven, stoulenmatter, lutje Jezus mit zien Moeke, Giezelbaarg, Ol Tjoard, Jaarfke, Grunneger Museum, Tonko en ook Ate Doornbosch, eerd in Nuus! Prachteg, bin k zulf ja bie west, in zun en regen… Nou, loat Ate mor schoeveln, hai zingt t Grunnens Laid nog as de beste, sikkom boven Nuusmer Fanfare oet!
Nog nait lezen, dizze nije ‘Toal en Taiken’??? As Begunsteger van Stichting t Grunneger Bouk krieg je hom vanzulf in de braivenbuzze, waark van postbode (ze binnen der nog….) En dat veur €20!!!! in t joar! Zes moal n Toal en Taiken en ook nog elk joar n bouk der bie! Aanmelden bie Toal en Taiken, 0597 591135 (9.30-12.00 uur; 13.00-16.00 uur, woensdags, dunderdags en vraidags! ) Stroombraifke noar toalentaiken@planet.nl  kin vanzulf ook! k Zol t mor doun!

Veurblad mit kunstwaark van Anke Slooff

Heriendeling? Gooi mor ien mien pet…
Geert:  ‘Hest t lezen?’
Harm:  ‘Wat moet ik lezen hebben?’
Geert:  ‘Nou, dat bericht ien t Dagblad over de nije heriendeling ien t Westerketier…’
Harm:  ‘Heriendeling? Wát goan ze dan vannijs iendelen?’
Geert:  ‘De gemeenten! Groodegast, Leek, Moarum, Zuudhörn bij mekoar, ién pot nat…’
Harm:  ‘O… Vijer lege knipkes bij mekoar, wordt ien grode portemetniks..’
Geert:  ‘Och, besturen haren ja al uutmoakt om meer soamen te doen. En dan verreken ze dat onner mekoar, bennen kompjoeters veur. Mor nou bemoeit de hoofdredacteur van t Dagblad zuk dermet, hij zegt…’
Harm: ‘Woar zo’n opperhoofd van n kraant zuk al niet met ien e vingers sniedt… Dat Dagblad het al moeite genoeg om op tied ien e bus te glieden. Man, man, man, n kraant die zulf even  beslist wat der gebeuren moet, nog even en d’eerdbol draait aner kaant op..
Geert:  ‘Dij hoofdredactie viendt dat je d’emoties aan e kaant schuven moeten, buten beeld. t Gevuul telt niet met. En t bespoart op e kosten van gemeentehuzen en amtenoaren…’
Harm: ‘Dat kan jim nou net geleuven! Wiet jim wel wat die bestuurspaleizen nou al kosten? Nog laank niet ofschreven, ien gien joaren. En bespoaren op amtenoaren…. Allenneg t uutspreken van zo’n zin köst al geld…
Geert: ‘Joa, ik denk dast geliek hest, Harm. Wij hebben der wis en vast gien veurdeel van, dat geldt allenneg veur die poar lu die al laank heur eigen schoal vergroot hebben en dan moeten de gemeenten zuk doar mor bij aanpazen. Net of gemeenten ook bedrieven worden bennen, nou, dan kun je de soosjoale aspecten hielemoal wel ien e gierput smieten..’
Harm: ’n Kraant die ons vertelt wat we doen en loaten moeten, t moet doch niet gekker worden..’
Geert: ‘Joa, schreven ze, dan kon zo’n grode gemeente n dikkere vuust moaken, noar de Stad, en noar Den Hoag, en noar Brussel…, en noar…..’
Harm:  ‘Och man, loat me niet lagen… n Grodere vuust? Moak dan van e hiele pervinzie Grunnen mor ien gemeente, zal jim zien wat dat veur grode vuust oplevert! Kom, ik moet nog even noar t gemeentehuus, nou t nog kan… Woar willen ze dan t nije gemeentehuus bouwen? Enumatil? Boerakker? Aan e Kuzemerweg ien Nijkerk, dat liekt me wel wat! Zal wel Europees aanbesteed worden moeten… Duurt nog wel even…
Moi, Geert!’

Gemeentehuis Marum - ook iets voor Schuiling?

foto onder: www.leek.nl
foto boven: www.marum.nl

En wat voor museum, koffiehuis of jeugdcentrum moet hier dan weer in?

KREUSKE EKSTROA - Lieste mit websteeën

www.agevandervelde.nl – webstee van zanger Age van der Velde mit laidjes, videoclips, teksten, foto’s en zukswat
www.alexvissering.nl – verhoalen, teksten, ploatjes, optredens van Alex Vissering
www.boukenhouk.ub.rug.nl – overzicht van n bult literatuur, cultuur en historie
www.degrunnegersproak.nl – toneelverainen ‘De Grunneger Sproak’ in Stad
www.dichtersindeprinsentuin.nl – website veur dichters en anere liefhebbers van poëzie
www.dideldom.com – schat aan Grunneger verhoalen, gedichten, bienoamen, laidjes, resepten, schrievers, foto’s….
www.diesel.online.de – webstee van DIESEL, ‘Stiekelbladd up PLatt’
www.dvhn.nl – Dagblad mit n haile bult ABN en veuls te min Grunnegers
www.eltjedoddema.nl –  Prachtege webstee mit veul meziek en teksten
www.freewesterhoff.nl – gedichten, meziek, foto’s, nijs…
www.grunnegercultuur.nl – winkel mit bouken en zo, steunpunt, docucentrum, studiecentrum, bult te doun op Grunneger terraain
www.grunnegerlaand.nl – Edward van den Berg zien webstee mit gedichten en foto’s 
www.grunnegertoal.nl – Waark en links van Stichting Grunneger Toal
www.grunnen-en-ik.nl – gedichten, verhoalen, schreven waark van Tiny Veldhuis
www.hetverhaalvangroningen.nl – webstee mit verhoalen over/oet Grunnen, veul in t ABN, mor ook in streektoal
www.huisvandegroningercultuur.nl – Schiere webstee, mor wel veul ABN veur n club dij pronkt mit ‘Groninger Cultuur’
 www.huusvandetaol.nl – webstee veur t Drenths en de Drenthen
www.janpankouk.nl – webstee veur KINDER (van ale leeftieden…)
www.jeebeetjes.nl – van alles wat in streektoal en mit ploatjes, schreven/schoten deur JB
www.kreuzekeuze.nl – verhoalen, gedichten, taimkes in t Grunnegers
www.krodde.nl – Grunneger tiedschrift, vaaier moal in t joar
www.kromdebende.nl – webstee van Oost-Grunneger groep “KROM de bende”
www.kunstgaangkaampke.nl – webstee van Kunstgaang Kaampke oet Steem 
www.liudger.org/gn - Aigen webstee van Liudger Stichting mit leste nijs over Biebel, dainsten, laidbouken, wedstrieden en wat ze nog meer ommaans hebben…
www.mienwesterkwartier.nl – Stichting Mien Westerkwartier met nijs en nijtjes, gedichten, verhoalen, foto’s, oproepen, nijsbrief, ‘Kameroaden’…..
www.mijneigenbibliotheek.nl – o.a. over de joarliekse SCHRIEFWEDSTRIED en aandere projekten die met streektoal te moaken hebben
www.molleboonzwolle.nl – webstee van Grunneger Verainen oet Zwolle
www.nedersaksischvocaalensemble.nl – webstee van t Nedersaksisch koor
www.rtvnoord.nl – Van alles en nog wat over de programmoas van Radio en TV Noord
www.schlemmerland.web-log.nl – Koba Schlemmer (= Jan Sleumer) en nijs  en zokswat oet heur (= zién) leven
www.swet.nu – serie meziektheoaterveurstellingen over OFSCHEID ien t Westerketier van markante gebouwen, landschappen en zukswat 2007-2010
www.tunebone.nl – webstee van Grunneger rockers ‘Tunebone’
www.waark.nl – nijs van en over WAARK, streektoaltheoater

Fouten? Aanvullingen? Kom mor op: jan_b@hetnet.nl