Op onze dagscheurkalender ( Groninger Scheurkalender 2009 - uitgave van Selexyz Scholtens, samenstelling Beno Hofman) staait een schier Poasgedicht van n J.B. Wel dat is? In elks geval gain Jan Blaauw, mor t kin wel Jan Boer wezen. Schane genog hebben ze dat der nait biezet. Gedicht komt oet de Nieuwe Provinciale Groninger Courant, maart 1959. As je wel waiten, wel t schreven het, loat t dan mor even waiten!
P O A S K E
Dit is de dag woarop wie bliede zingen:
“De Heer ston op oet dood en duuster graf”.
De hemel zulf kwam dizze bosschop bringen
toun elkain hoop en moud verloren gaf.
Op dizze dag het Jezus overwonnen!
en is de zunde - t groot en aiweg kwoad -
as duusternis veur t licht verswonnen,
Tou! Vier nou mit ons feest. Kom nait te loat,
Want dizze dag mout ainmoal in elks leven
de vrede bringen veur de aiweghaid,
deurdat Gods Zeun zuch zó wol geven
dat nou de hemel hailtied openstait.
J.B.
