Jeebeetjes.nl

O, o, haar k dat al sikkom vergeten…. Nije TOAL EN TAIKEN, van november/december 2009, al de 27ste joargang, nummer 6…  Mooi pepier, schiere ploatjes, en prachteg schriefwaark vanzulf! Wat derin staait?
- Martin Hillenga over Singeliere lu: Olle griezen……. (Nee, doár heur ik nog laang nait bie…)
- Harm van der Veen over n Kulturele moord, Knelis Dopper en Ol Tjaard
- Piet Huizinga over n Bliksloager, Bedraaigen, De Marne en Ode aan de Wadden
- Tonko Ufkes mit zien HÖRN: Lutjegast, Garrelsweer en n fout bred….
- Bladzieden vol mit Grunneger Nijs, van Ader tot en mit Uil
- Hans Spa over Wobbe Alkema
- Jan J.Groenbroek mit zien Grunneger Puzzel!
- En dìn veul SCHRIEVERIJ: Aukje Tillema, Jan Hoiting, Jan de Jong, Annie Mekel, Hanne Wilzing en nog veul meer!
- Bericht over Nijjoarsveziede in Loppersom, 9 jannewoarie 2010 , Spoorzicht, 15.00-17.00 uur (kin k nait, hebben wie wat in Dörpsstee, in Noordhörn…)
- As oetsmieter de haile Inholdsopgoave van joargang 27 (2009)

Wil je begunsteger worden? Minimumbiedroage is €20,00 in t joar! Krieg je zes moal “Toal en Taiken” en ook nog n begunstegersbouk!!!! Dou dat nou mor even!! Aanmelden: Stationsstraat 11b, 9679 EA Scheemda, telefoon 0597 591135. Stroombraifke noar toalentaiken@planet.nl  helpt ook!

veurploat van Toal en Taiken, 27ste joargang, nummer 6

“De barre winter van nul negen…”  Bult snij en n poest wind… k Gooi vreten veur vogels op tegels en op vouertoavel (handwaark van mien vraauw), k draai mie om, k goa in hoes. Kiek noar boeten… Gain brood of zoad meer te zain… Widde loag en of en tou stoeft t, draaiwolken van lutje widde stofdailtjes, mooi gezicht, vanoet koamer… Muskes zitten onner t ofdakje van kamperfoelie, törrels waiten ook nait wat ze deraan hebben, duren aiglieks nait deel te kommen op dij verroaderlieke snijloag… Swaarde liester banjert der maank, roodborstje kikt even op plaank, mor vlogt dìn mor gaauw weer noar bedere stee. En dìn mout klenderwinter nog begunnen…

Nije Krödde, nummer 112, Grunneger Tiedschrift

Mit dit minne weer is t schier dat der wat ekstroas te lezen vaalt. Nije Krödde is der, muite weerd van eerste tot en mit leste letter! Nummer 112 mit verhoalen en gedichten van bevöbbeld Hanne Wilzing, Jan de Jong, Tonko Ufkes, Melle Hijlkema en Ida Leutscher. En n ‘interview’ van Jan Glas mit Aly Freije, klasse! Mit n prachteg petret derbie, van Aly, moakt deur Jan Glas, doar is e óók goud in!
Meer waiten? www.krodde.nl. Vaaier nummers in t joar veur €15,00, ik zol mie mor gaauw even melden bie Henk Kloosterman van d’administroatsie: info@krodde.nl. (Aans mor even bellen: 0512-521127)

Snij, aalmoal snij en dan hebben z’ien Stad ok nog n stroomstoring… Zal wel van die toestand op e Grode Maart kommen, dat Radio-3-Gedoe. Hieleboel ie e war, van streek. Nou, wij hebben hier nog stroom en ik kan mooi de nije DIESEL lezen, vandoag ien e brievenbus. Wat derien stijt?
- Breven van uns Lesers
- Joost Kirchhoff is overleden - ‘De grote Mann van d’Dullert is neet mehr.’
- Freudenthalpries 2009 för Gerd Constapel för sien Gedichtenzyklus ‘Stoom’.
- 500. Jahresdag van de Cosmas- un Damianflood
- Verhoalen van Menno Ufkes Janssen, Thea Bülthuis, Hans-Hermann Briese u.a.
- Sülvenraadsel
- Keerlke-Pries 2009 för Cornelia Nath
- 2 Bladzieden vol met Johannes Diekhoff
- 110 Jahr Butenoostfresenvereen Hambörg
- Wat sall man schenken? Waarum nicht wat up Platt?

Veurkaant van DIESEL 70, dat Oostfreeske Bladdje

Achterkaant DIESEL 70: Folkfestival 'Zwischen den Jahren' 27 & 28 Dezember 2009 - Gulfhof Ihnen Engerhafe