Jan en Jan, verbindende schakel: de fles….

Ploatje vol oet t album, dou k noar wat aans op zuik was. Docht eerst dat n pepiervodje was, dou k t omdraaide zag k miezulf. Aáns asdat je in n spaigel kieken…

Jonge Jan als (op)voeder, jongere Jan neemt het er van...

Jonge Jan als (op)voeder, jongere Jan neemt het er van...

Zet leden, veurge aiw… Net traauwd, binnen n joar was Jan Reinko der ook, wazzen we mit ons drijen… 1970. Nog wat vrumd in dat nije hoes aan de Cleveringaloan, in Zuudhörn. Aalmoal éérste spullen: eerste baanke, eerste vloerbedekken, eerste barometer, eerste kind…. Scheelde wel dat k grode hannen haar en laange aarms… Zo te zain hangt t mie wel, verschonen heb k ook doan. Jong het der niks aan over holden… Ducht mie… Hai is mie boven kop gruid.
Aiglieks kiek nooit laank noar miezulf, nait in spaigel, nait op foto’s… Vluchteg. Hiér doch wat laanger: méér hoar op kop, schiere fok, trui aan (aigen ontwaarp, steken binnen van moeke…). Dat snoer van d’schemerlaampe steurt mie (nou..), kuzzen in rogge, van schoonmoeke, hoakt. Sikkom vatteg joar joar leden, t vleden  stold. Net as bie beelden gooien op t schoulplaain: onbeweeglek stoan blieven zo as je te laande kwammen…. Is der wat veraanderd? Aaltied wel wat, jong geft mie nou wel ais flezze (wien…).

1 reactie op “Jan en Jan, verbindende schakel: de fles….

  1. Zo aibels mooi Jan.
    Ik blief lezen.
    Bin onnerhand aal nijsgiereger wat ter dommee komt.
    Zo herkenboar, en no bin k nog ains zo old nait.

Geef een reactie

Het e-mailadres wordt niet gepubliceerd. Verplichte velden zijn gemarkeerd met *