Doar is e weer, de nije VANNIJS! Nijsbrief van de Stichting Mien Westerkwartier, nummer 3 ien dit joar 2010. O, heb je m niet kregen? Dan even aanmelden op www.mienwesterkwartier.nl. Komt t zo veur mekoar!
Wat derien stijt, ien dizze nije VANNIJS?
1. “Heur! Moest Kieken!” Aandacht veur d’oavend ien Herberg “De Groode Gast”, op vrijdag 12 feberwoarie, vanof 20.00 uur! Dan wordt de film “Moest Kieken” draaid en goan d’artiesten die ok ien e film zitten (stoan, speulen…) optreden: Piet Buist, Vera Sutman, Gert Sennema, Sijtse….. Zoal open vanof 19.45 uur (mor ik denk dat e wel eerder open is….) De koartjes kun je reserveren via www.mienwesterkwartier.nl en om 19.45 uur aan de zoal ofhoalen! Wat t kost, zo’n koartje?? 4 euro! (Ho, niet te haard…. t Is al weer glad buten…)
Heufdpersoon (en zangeres) Vera Sutman, flankeerd deur de filmers Ben Zielstra en Wobbe Gorter. Veur de rooie Eend van de Wiersema's... (Ploatje is van Omke Oudeman)
2. SCHRIEFWEDSTRIED 2010
Elkeneen vanof 8 joar kan metdoen! Gedichten, verhoalen, verskes, toneelstukken, liefdesbrieven… As t mor ien e streektoal is! Ienlevern veur 1 meert bij de biebeltheek! Wel even t wedstriedreglement lezen van te veuren… (Kun je vienden op www.mijneigenbibliotheek.nl).
3. STREEKTOALACTIVITEITEN Op 20 meert is de Dag van de Grunneger Toal ien Stad (www.dagvandegrunnegertoal.nl); op 6 meert is t REURfestival ien Emmen (www.reur-festival.nl). Zo is der niks, zo is der dubbel…. Goa mor ies kieken wat doar apmoal verhapstukt wordt.
4. Liefde ien Griepskerk.
Joa, dat bestijt! En benoam op zundag 14 feberwoarie, op VALENTIJNSDAG! Ien café-restaurant “De Tapperij” begunt “Liefde ien Griepskerk” en dizze Valentijnsliefde gijt deur d’oren (met Sijtse Scheeringa, Gert Sennema, Koos van der Goot, Mark Spijkers, Fred Claassen, Inge Bakker), deur d’ogen (Tineke Rouw - buukschuverij) en deur de moag: n specioal Valentijnsmenu….
5. VELDNOAMEN ien Nijkerk.
Ien Nijkerk wordt der start met t veldnoamenprojekt. Kiek mor even op www.veldnamenwesterkwartier.nl. (Ien Zuudhörn hebben ze zoiets al eerder had. Doar is ien 1995 n prachtege uutgoave verschenen van de Veldnamencommissie van de Historische Kring Zuidhorn, met teksten en koarten).