Back to the roots… Weerom noar de worrels (4) Scheemda/Midwolda

Noordhorn, 26 april 2011

Joa, t zat doar wel hail aangenoam bie strand en wotter van Blaauwe Stad, n weke leden, ook al was der gain ijsco te koop… Fleske leeg? Stoetje op? Dìn mor weer fietse pakt en hup, wieder, deur Midwolle hìn, noar Scheemde weerom. (Wie haren ja zegd dat we nog patat eten wollen…) Wie wazzen eerst even benaauwd dat we der nait laangs konden, over de Hoofdweg. Ston ja vol mit vrachtwoagens, kroanen, griepers, bulten zaand…. Mor wie deden krekt of we doar in Midwolle thoes wazzen en din kun je joe op fietse hail smaal moaken…. Feest van herkennen, bie alles is wel n verhoal te vertellen, mor dat heb k mor nait doan. Van Diekjes binnen ja Scheemters/Eexters en swoager Henk komt hailendal oet Den Hoag. Wat wait dij nou van boerderij van Joling….

As ik mie nait vergis, is dit de boerderij van Joling, van vrouger! Of nait? t Wit van nou is wel veul witter as t wit van dou....

As ik mie nait vergis, is dit de boerderij van Joling, van vrouger! Of nait? t Wit van nou is wel veul witter as t wit van dou....

Hier woonde volgens mie klompenmoaker Baarghoes, viefteg joar leden... Ol kerke hebben ze opklanderd, t hoes ook. Fietsspultje dernoast van Thomas Looijenga hebben ze onnersteboven gooid. Heb k mor gain ploatje van schoten...

Hier woonde volgens mie klompenmoaker Baarghoes, viefteg joar leden... Ol kerke hebben ze opklanderd, t hoes ook. Fietsspultje dernoast van Thomas Looijenga hebben ze onnersteboven gooid. Heb k mor gain ploatje van schoten...

Bekendste boerderij van Midwolle, mit messchain wel mooiste toene: boerenspul van Hermans Dijkstra, tegenswoordeg benoam om noar te kieken. In elks geval is t nog ain dag in t joar in bedrief: op Open Monumentendag, in september, doar zörgt JPK wel veur, Jan Pieter Koers

Bekendste boerderij van Midwolle, mit messchain wel mooiste toene: boerenspul van Hermans Dijkstra, tegenswoordeg benoam om noar te kieken. In elks geval is t nog ain dag in t joar in bedrief: op Open Monumentendag, in september, doar zörgt JPK wel veur, Jan Pieter Koers

En dizze was vrouger van femilie Tiddens, doar het Imca Marina zok wat aan vertild, ducht mie. Mor Imca dut der nog wel traauwerijen en n poar aandere enthousiastelingen doun de horeca. Meer as viefteg joar leden haren onze overburen (Engel en Geertje Tuun) n törreldoevehok, sekuur t zulfde as de veurkaande van Tiddens zien boerderij, persies noabaauwd. Mit n törrel derin, dat brocht ja geluk!

En dizze was vrouger van femilie Tiddens, doar het Imca Marina zok wat aan vertild, ducht mie. Mor Imca dut der nog wel traauwerijen en n poar aandere enthousiastelingen doun de horeca. Meer as viefteg joar leden haren onze overburen (Engel en Geertje Tuun) n törreldoevehok, sekuur t zulfde as de veurkaande van Tiddens zien boerderij, persies noabaauwd. Mit n törrel derin, dat brocht ja geluk!

Hier begunt Scheemde, heb je Midwolle achter je loaten, aan t begun van d'Oosterd (of aan t ènne, as je van aner kaande kommen...) Vrouger zat boer Toren hier op, machteg mooie boerenstee von ik dit. Nou staait t te koop. Baiden????

Hier begunt Scheemde, heb je Midwolle achter je loaten, aan t begun van d'Oosterd (of aan t ènne, as je van aner kaande kommen...) Vrouger zat boer Toren hier op, machteg mooie boerenstee von ik dit. Nou staait t te koop. Baiden????

En zo binnen we mit ons vieven doch vlot deur Midwolle hìnkommen, Je kinnen doar nou goud fietsen, t is gain raceboane meer. Nou nog even in de aprilse zummerzunne deel valen “Onner de Toorn”, veur de patat (en n ijsje…) Zo’n dag op stap, doar krieg je ook dörst van, en “honger”….. (“Honger??? Wat waiten ie nou van honger?” zee mien opa aaltied en wie gaven hom zunder meer geliek…)

Doar kommen ze, op heur karretjes, keureg! (Ik stoa zulf ja achter t bord om n foto te moaken...)

Doar kommen ze, op heur karretjes, keureg! (Ik stoa zulf ja achter t bord om n foto te moaken...)

©foto’s: jan blaauw, 19 04 2011

Wordt nog ainmoal vervolgd!

Geef een reactie

Het e-mailadres wordt niet gepubliceerd. Verplichte velden zijn gemarkeerd met *