Back to the roots… Weerom noar de worrels (5, slot): Scheemda/Midwolda

Zo, dag zit der sikkom op! “Onner de Toorn” in Scheemde zit t ook snommedoags koninklek! Of we nait vot west binnen! Nou ja, wie zitten even wat meer in schare, aans smelt t ies, en wie zulf ook…. 

Kiek, miens woager het dörst, vragt elkenain even wat e drinken wil, twijmoal bitter lemon, drijmoal pils, makkelk in kop te holden En patat vanzulf, mit n kroket, das tradietsie. (Zet leden dat k mie hieraan bezundegd heb...)

Kiek, mien swoager het dörst, vragt elkenain even wat e drinken wil, twijmoal bitter lemon, drijmoal pils, makkelk in kop te holden En patat vanzulf, mit n kroket, das tradietsie. (Zet leden dat k mie hieraan bezundegd heb...)

As we t lief vol hebben, is ook nog n ijsco biekommen, goan we eerst onze fietsen weerom brengen noar de fietsboetiek van Korrie Doedens. “Goud goan?” “Joa, best! Nait plat reden, gain kedde derof en belle dut t ook nog!” t Duo oet Nörg pakt hier d’aigen auto, wie goan mit ons drijen noar t stoatsion.

Nij aan Stationsstroat, boerenspul van Braauwer. Olle schuur is opfikt, mor wat der nou staait, zugt der prima oet!

Nij aan Stationsstroat, boerenspul van Braauwer. Olle schuur is opfikt, mor wat der nou staait, zugt der prima oet!

Even wieder as t stoatsion staait t renoveerde Kovviehoes, doar het Smak in zeten, joaren leden..... Dou kon je doar nait allain n kop kovvie kopen, mor ook joen fietse stallen, in grode schure. Loater mos dat bie t stoatsion in n holten gebaauwtje, konst der gain haand veur ogen zain. Nou binnen der hail wat openluchtfietsrekken mit ofdakjes, goud veur mekoar!

Even wieder as t stoatsion staait t renoveerde Kovviehoes, doar het Smak in zeten, joaren leden..... Dou kon je doar nait allain n kop kovvie kopen, mor ook joen fietse stallen, in grode schure. Loater mos dat bie t stoatsion in n holten gebaauwtje, konst der gain haand veur ogen zain. Nou binnen der hail wat openluchtfietsrekken mit ofdakjes, goud veur mekoar!

Dikke beuke veur t stoatsionsgebaauw, machteg mooi! Henk deronder, kin je de moat nemen!

Dikke beuke veur t stoatsionsgebaauw, machteg mooi! Henk deronder, kin je de moat nemen!

Arriva-traain... Dizze gaait kaande van Winschoot op, wie mouten ja noar Stad. Even wachten, duurt nait laank!

Arriva-traain... Dizze gaait kaande van Winschoot op, wie mouten ja noar Stad. Even wachten, duurt nait laank!

Schiere dag in Oost-Grunnen! Schane dat t bie “De Toekomst” nait zo was asdat op folder ston, mor ja, je kinnen nait alles hebben… Mooi weer was t in elks geval! Scheemde en Midwolle, bedaankt dat je ons tolereerd hebben, tot aner moal!

©foto’s: jan blaauw, 19 april 2011

Geef een reactie

Het e-mailadres wordt niet gepubliceerd. Verplichte velden zijn gemarkeerd met *