Midwolda: Méér foto’s en verhalen van Bienke Kolk-Boer

Ik geef Bienke Kolk-Boer (nu Oostwold, maar opgegroeid in Midwolda) meteen het woord:
Nou ik heb weer wat foto’s! n Foto van kleuterschoule van de joarn dat mien bruier Harry doar hen ging. Hai staait ter rechts op mit zien vingertjes in zien mond!  Begin jaren 60?…

Kleuterschool Midwolda, begin jaren zestig met rechts staande: Harry Boer (vingers in de mond)

Bertus Diekhoes onder in…. Wichtje van Woalkens, Trieneke,  wichtje van Pluum, ook van Nijssiesoord…. jong van Wiegman…. Reinder ? Misschien toch een mooie aanvulling bie de  verhoaln van loagere schoule! Dizze foto staait ook nait in bouk van Midwolle  van openboare schoule van zo laank bestoan…  Ik stoa der wel in, mor mien bruier nait… (Wie kent de namen van de andere kinderen en de leidster???? JB)
Dan een foto van Johanna Bos van ome Jan en tante Frouke Bos! Ik weet niet wie het ander meisje is (Ze doet mij denken aan Truusje Landman, maar ik kan het helemaal verkeerd hebben… JB), maar is gemaakt in 1953. Volgens mij kan het bij de zijkant van het huis van de familie Bos zijn ..

Johanna (Zus) Bos en...... Truusje Landman???? Foto uit 1953

Dan heb ik de foto van het B-elftal van MOVV.  Onderin staat Arie Schrik die met Harmke Tolk  is getrouwd,  3de  onderin rechts.  En Hendrik Bos van ome Jan staat  3de boven in het midden … De rest helaas wait ik nait….  Zugst doe den ook nait wat bekends? Wel dij speulers binnen?

Jawel, ik heb de foto al eerder laten zien! Met staande leider Tjaard Loer, ??, ??,  Hendrik Bos, leider Remmert Tuin, ?? , zoon van Garrelt van Delden, Nanne Kampstra; midden Piet Loer en Tjaard Aukes; onder … Stam, Meini de Wal (lijkt het), Arie Schrik.

Mijn vader (Jopie Boer) maakte in die tijd vaak foto’s. Pa was jeugdleider van de A-aspiranten en de B’ers.  Daarnaast ook  scheidsrechter …Zelfs nog toen mijn broer bij  de jeugd was, was ie leider … Hij ging dan met de jongens op pad mit zien NSU’tje … zien eerste autootje…
Tja en zo kwam het ook wel veur dat het nooit aaltied paasde …den ston der mor zo aine op zundagmiddag  veur deure op stoupe…. Of Jopie der ook was …. Moeke Leentje haar mie schier aantrokken, want wie gingen noar opoe Beerte … Joop raaip moeke den …kinst even kommen… “Joa, t zit zo, wie zitten heuvelaan,   wolst wel laaiden vanmiddag?” vruig dij man … Scheidsrechter is nait op kommen doagen .. Tja…  Wel ging zok weer omtrekken  en droop oaf noar voetbalveld??  Voader Jopie .. en das wel voak n moal veur kommen  …en dat ston moeke nait aaltied aan…. Begon ik weer te zeuren wanneer pa moal weer kwam…. En den kreeg  ik op kop van t ol mens as ik mit mien goie goudje weer woaraargens in zat… Mog mie ja nait voel moaken !!! Ach, en as d’olle heer der weer aan kwam , was moeke t al weer vergeten en wie toeren de oaf noar opoe Beerte..
Tja en zo het mien bruier nog n moal n stokje oetvreten…  MOVV voetbalde nog op Mennistenloantje…  Bruier haar floitje van mien voader in buutse stoken .. en mien voader mos voetballen…  Mien bruier is bosjes in schoten en huil doar n kwoajongens streek oet! Achter Botjes zien boerderij haarst  aal fruitbomen  tegen voetbalveld aan … Trouwens, doar heb ik al heul veul speuld in mien jeugd ..Hai het zok doar verstopt en het op dat floitje bloazen en de heule wedstried lag stil… D’olle heer was kwoad!!  Mor achteroaf hebben we der nog voak om laagt as t nog n moal te sproake kwam ..
Mor MOVV voetbalde ook wel net over de grens of de Duutsers kwammen hier.  Dou pa zeuventien joar was, gingen ze doar al hen  en den mos hai bie mensen sloapen blieven, ook al was t mor noar Idafehn…  Tja, dat was toun n haile raais en nou bist der in  vatteg menuten … Pa het der n voetbalkameroad aan overholden!   Zulfs noadat pa al vieventwinteg joar oet tied kommen is,  kom ik der nog ..Mooi man ..
Dij Duutsers wazzen hier ook n moal in begun van de joaren zeuventeg. Ik was nog n wichtje van n joar of vief, zes….   Ze kwammen ook bie ons thoes en haren bie ons eten en dou noar t voetbalveld…  Ain van dij vraauwlu gaf mie n dikke ronde kaarzenbaaltje ..Moeke zee: “Most der goud op zoegen en krieg mie dat ding nait achter in de keel !!!” Mor ze haar t nog nait zegd of…. Ik hong aal mit ain baintje over t hek hen en dou veurover… Joa, dou wast zo wied,  ik haar hom in de keel vast zitten! Moeke in paniek! Doar kwam ain van dij speulers aan van Duutslaand, pakte mie op,  hong mie op kop…. Ik kreeg n dikke vege tussen de scholderbloaden en t baaltje vloog der weer oet !  Man, wat haar ik t benaauwd!    t Ol mens raagde op mie! Krigst mie gainent weer .. en ze bedankde de speuler !Dij zöchde zien plek weer op en speulde weer wieder..

Nou, en den heb ik nog n foto van weduwe Landman, Ebbo zien oma .. Mooi hè!

Weduwe Landman met kleinzoon Ebbo en Trijntje Boer aan de zijkant links

 en dat lutje kereltje is Ebbo en aan ziekaant is Trijntje..

Nou, ik stop der mit, mor ik heb hier wel oardeghaid aan!
Bienke

Geef een reactie

Het e-mailadres wordt niet gepubliceerd. Verplichte velden zijn gemarkeerd met *