Midwolda: Herinneringen van Bienke Kolk-Boer aan woningbouw en Niesoordlaan…

Bienke schreef:
“Nou, ik heb even goud mien best doan! Ik docht ik mout moeke heur deuze mor even op kop hebben…. En dou kwam ik dizze foto’s ook nog tegen…”

Ome Jan Bos en opa Harm Boer

Hier hebben we dij foto van ome Jan Bos en opa Boer! Mooi, hè! Tan’ Frouke is n stiefzuske van mien opa!
Op zundagmörgen dee ik aaltied even mit pa op fietse n rondje kerkhof en dìn olle woningbaauw in t ronne…. Dìn gingen we noar ome Jan en tan’ Frouke, even n “11 uurtje” hoalen….Voak mog ik blieven, want tan’ Frouke kon zo lekker soep koken! Dou wazzen heur klaainkinder doar  en dìn mog ik speulen blieven!”

Rechts: Geert "Houdje" Oudekerk

“Aan Niesoordloane hebben wie in ain van d’eerste woningbaauwhoezen woond. Doar wazzen twij blokken van en dìn kreegst dij blokke van Geert “Houdje” Oudekerk en dochter Eppie. Dat was in de viefteger joaren en doar stonnen ook vrijstoande woningen: t Hoes van femilie Diekhoes en zeun Jan en dìn kreegst Flips Hassing en dìn femilie Oadams en dìn kwam Luppo Meulman. Dij kwam van Oostwold, Pispotjeloane…) Ik denk dat Meulman der nait woonde in de viefteger joaren, mor wel in de joaren zesteg. En dìn wieder noar achtern dij hoezen woar jullie woond hebben!”

Eppie Oudekerk? Haar moeder? Wanneer? Wie het weet, mag het zeggen...

Ik heb ook even wat oetprint van dizze weblog en dat heb ik aan pa Kolk geven! Kin hai even wat lezen over Jan Blaauw en dou hai de foto van zuster Gepke zag, nou dou zee hai: “Dat is heur! Dat is heur!!” en hai groalde derover. “Och man, hou komst doar wel aan!” Ik was even op boodschop mit moeke west en kwam weerom. Hai zee: “Wat vin ik dat ja mooi! Ik goa dat lezen!”

Gepke Blaauw als verpleegster in sanatorium Beatrixoord (Appelscha)

“Tja, pa Kolk wordt older… Dit joar wordt hai ainentachteg! Hai woont nog op ‘Bounderstreek’ (Noorderstroate). Zai hebben n grode toene bie hoes en dat’s zien lust en zien leven, doar is hai grootsk op! Hai verbaauwt der nog hail wat gruinte op! (En wie hebben t er mor goud mit!) Mor doarnoast hebben ze ook nog hail wat verdrait… Ze binnen in 2003 heur dochter verloren, dij is oet tied kommen, 10 weke noa geboorte van heur zeuntje. Zai was 33 joar! (Mien Jan haar mor ain zuske!) Nou denken opa en oma ook hail veul om t lutje jong.  Opa staait laangs de liene, nait bie MOVV, veur t lutje jong bie THOS! Tja, t is nait aans, je mouten verder… En doarom mag voader Eltjo zok ook geern even verzetten in toene…
Vernemst ook dat hai hail veul dingen van vrouger vertelt en dou ik mit dit kwam…. Och man, het was net n bandrekorder, hai kwedelde mor deur… “Ach”, zee e, “dij moestoe doch ook wel kìnnen…” Nou, en dìn stoa ik soms mit de mond vol tanden! Hai wait n beulde! En dìn denkt e ducht mie dat k net zo old bin…. Mor wel van n aander baauwjoar….

Jopie Boer, Hendrik van Dijk, Eltjo "Ellos" Kolk - Kampioenschap MOVV 53/54?

Ik heb mie veurnomen om t op te schrieven, van aal dij noamen… Straks heurst dat nait meer, dat van “Haarm Lolly” en “Farrie Geertsemoa”…. Mor ook hier in t dörp! Pa het zulfs n verske en dìn begunde:
“Ik heb stolen n poar planken van Jan van Anken
en wat van Van der Molen…”  en goa zo mor deur…. Ik wil mit hom aan de slag, dat ik dat op schrift krieg! Dij man kin ook mooi oorlogsverhoalen vertellen, ons kinder vinden dat prachteg, veural de oldste! Mien schoonolders hebben ook hail wat beleefd, ook aarmoude!
Nou, dij foto van kleuterschoule bin k nog nait tegenkommen, mor t komt goud! Ik mout dìn in pa zien verzoameldeuze en dij ligt op beune…. Doar zitten zeker nog foto’s tussen!”

Jopie Boer voor zijn huis aan de Niesoordlaan, eind jaren zeventig

Oma Imke Boer-Kuipers aan 't sneeuw ruimen, woningbouw E 49...

Bienke, bedankt!!