MIDWOLDA: Mentko Kolk – “Op raand van klaai en zaand”

Nee, k heb bouk nog nait lezen, nog gain tied veur had. k Heb t ook nog nait zo laank in hoes, kon der ja mor stoer aan kommen… Bouk is allain bie schriever Mentko Kolk te bestellen, en te koop bie n winkel in Winschoot. Mor doar fiets k nait zo mor even noar tou…. Zuudhörner boukhandeloar het nog n zere vinger van t aalweg pebaaiern te bellen… Mit sukses, bouk is der!!
2013-12-09 10-18-15_2950
k Mout eerlieks zeggen: t Zugt der schier oet! Gain slappe kaft, nee, t kin tegen n stötje! k Heb al wel zaain dat der ook n mooi stokje in staait over scheuveln! Over t Koudaip! (k Heb niks mit scheuveln, mor der binnen der zat dij dat wel hebben….)
Nijsgiereg?
Achterin t bouk staait adres van Mentko Kolk: Molenlaan 1, 9681 BA Midwolda. En ook droadpostadres: kolkm@hetnet.nl.
Hol der wel even reken mit wat schriever Kolk in zien eerste zin van “Veuropmaarken” zegt:
“Dit is n vertelsel zo as t nait aal eerlieks gebeurd is, mor wel zo as t aal op dij menaaier in dij tied gebeuren kon.”
’t Verhoal speult zok òf in Midwòlle….

As k t bouk lezen heb, en t is mie goud bevalen, loat ik t hier waiten. Beloofd!
2013-12-09 22-17-19_2953 verkl

Geef een reactie

Het e-mailadres wordt niet gepubliceerd. Verplichte velden zijn gemarkeerd met *